វីធីជួយសង្គ្រោះជនរងគ្រោះដោយសារ ការរលាកភ្លើង
- អ្វីដែលអ្នកគួរធ្វើ ៖
- ពន្លត់អណ្តាតភ្លើងដោយអោយជនរងគ្រោះរមៀលនៅលើដី ឬយកភួយ ទឹក ឬសារធាតុរាវសំរាប់ពន្លត់ភ្លើងផ្សេងៗទៀត។
- ប្រើទឹកត្រជាក់សំរាប់កាត់បន្ថយសីតុណ្ហភាពនៃការរលាក។
- ក្នុងករណីរលាកដោយសារសារធាតុគីមី អ្នកត្រូវយកសារធាតុគីមីនោះចេញ ហើយស្រោចទឹកអោយបានច្រើន។
- រុំអ្នកជម្ងឺដោយក្រណាត់ស្អាត និងបញ្ជូនអ្នកជំងឺទៅកាន់មន្ទីពេទ្យដែលនៅជិតបំផុត។
- អ្វីដែលអ្នកមិនគួរធ្វើ ៖
- កុំលាបថ្នាំដុះធ្មេញ ម្សៅ ប្រេង ឬរុំសំឡីទៅលើមុខរបួស។
- កុំស្អំទឹកកក ព្រោះវាធ្វើអោយរបួសកាន់តែជ្រៅ។
- ជៀសវាងការប្រើទឹកត្រជាក់យូរពេក ព្រោះវានឹងនាំអោយសីតុណ្ហភាពក្នុងខ្លួនធ្លាក់ចុះខ្លាំងពេក។
- កុំធ្វើអោយពងទឹកបែក ត្រូវង់ចាំរហូតដល់លាបថ្នាំការពារមេរោគរួចសិន។
- កុំលាបអ្វីទាំងអស់នៅលើមុខរបួស ព្រោះវាអាចនឹងក្លាយទៅជាការឆ្លងមេរោគ៕
ចុចអាន ៖ អត្ថប្រយោជន៍ជាច្រើនទៀត
ត្រួតពិនិត្យដោយ www.health.com.kh ថ្ងៃទី29 កក្កដា ឆ្នាំ 2014
កត្តាប្រឈមមុខ នឹងគ្រួសក្នុងតម្រងនោម
កត្តាប្រឈមមុខ របស់ជំងឺគ្រួសក្នុងតម្រងនោម មានច្រើនខ្លាំងណាស់ ហើយអ្នកក៏ទំនងជាអាច មានកត្តាទាំងនេះ ក្នុងខ្លួនច្រើនផងដែរ។ មានរឿងខ្លះ អ្នកអាចគ្រប់គ្រងបាន ហើយខ្លះទៀត មិនអាចឡើយ។
កត្តាប្រឈមមុខ ដែលអាចគ្រប់គ្រងបាន
ចំនួនជាតិទឹក ដែលអ្នកទទួលទាន ៖ មូលហេតុនៃជំងឺគ្រួសក្នុងតម្រងនោម ដែលកើតមានជាញឹកញាប់បំផុតនោះ គឺការមិនបានទទួលទានទឹកគ្រប់គ្រាន់។ ចូរព្យាយាមញ៉ាំទឹក ឱ្យបានគ្រប់គ្រាន់ ដើម្បីរក្សាទឹកនោមឱ្យនៅថ្លា ឬលឿងបន្តិច (ប្រហែល ៨ ទៅ ១០ កែវក្នុងមួយថ្ងៃ)។
របបអាហារ ៖ របបអាហារដែលមានជាតិប្រូតេអ៊ីន សូដ្យូម និងសម្បូរជាតិអុកសាឡាតដូចជា បន្លែពណ៌បៃតងចាស់ សុទ្ធតែបង្កើនការប្រឈម នឹងគ្រួសក្នុងតម្រងនោមបានទាំងអស់។ បើសិនជាអ្នកយល់ថា របបអាហារអ្នក ប្រហែលជាមានបញ្ហានោះ ចូរធ្វើការណាត់ជួប និងពិគ្រោះជាមួយអ្នកជំនាញខាងរបបអាហារ អំពីជម្រើសអាហាររបស់អ្នកទៅ។
ជាមនុស្សធាត់ លើសទម្ងន់ធម្មតា ៖ រឿងនេះ អាចបណ្តាលឱ្យអាំងស៊ុយលីនក្នុងខ្លួន ធ្វើការមិនបានល្អ និងបង្កើនចំនួនជាតិកាល់ស្យូមក្នុងទឹកនោមទៀត ដែលវាជាហេតុនាំឱ្យ ប្រឈមនឹងគ្រួសក្នុងតម្រងនោមកាន់តែខ្លាំង។
ប្រើថ្នាំ ៖ មានថ្នាំមួយចំនួនដូចជា Acetazolamide (Diamox) និង Indinavir (Crixivan) អាចធ្វើឱ្យកើតជាគ្រួស ក្នុងតម្រងនោមដែរ។
កត្តាប្រឈមមុខ ដែលអ្នកមិនអាចគ្រប់គ្រងបាន
• អាយុ និងភេទ ៖
o បុរសអាយុពី ៣០ ទៅ ៥០ ឆ្នាំ
o ស្ត្រីក្រោយរ៉ាំងរដូវ ដោយសារតែអ័រម៉ូនភេទអឹស្ត្រូសែនថយចុះ និងស្ត្រីកាត់ក្រពេញអូវ៉ែចោល
• គ្រួសារ ធ្លាប់មានប្រវត្តិ កើតគ្រួសក្នុងតម្រងនោម
• ប្រវត្តិផ្ទាល់ខ្លួន ឧស្សាហ៍មានការបង្ករោគនៅផ្លូវទឹកមូត្រ
• មានជំងឺផ្សេងៗ ដូចជាជំងឺ រលាកពោះវៀន (Crohn’s disease) លើសអ័រម៉ូនក្រពេញប៉ារ៉ាទីរ៉ូអ៊ីត ឬជំងឺរលាកសន្លាក់ហ្គោដ។
• វះកាត់ពោះវៀន ឬវះកាត់តពោះវៀន
• អាំងស៊ុយលីនក្នុងខ្លួន ប្រើការលែងបាន ដោយសារតែជំងឺទឹកនោមផ្អែម ឬធាត់ជ្រុល៕
ត្រួតពិនិត្យដោយ www.health.com.kh ថ្ងៃទី26 មេសា ឆ្នាំ 2015
សារៈសំខាន់នៃ ត្រសក់
តើវាផ្តល់អត្ថប្រយោជន៍អ្វីខ្លះដល់អ្នកទៅ បើអ្នកពិសារច្រើននោះ?
1. វាអាចផ្តល់ជាតិទឹកគ្រប់គ្រាន់ ដល់រាងកាយអ្នកបាន ព្រោះនៅក្នុងត្រសក់ មានជាតិទឹកខ្ពស់ណាស់ ប្រហែល ៩៦,៧ ភាគរយ។
2. វាក៏អាចជួយបញ្ចេញជាតិពុល ក្នុងរាងកាយរបស់អ្នកដែរ។
3. វាក៏អាចផ្តល់វីតាមីន ដល់រាងកាយរបស់អ្នកដែរ ព្រោះវាមានវីតាមីនជាច្រើនប្រភេទ នៅក្នុងត្រសក់។
4. វាអាចជួយការពារស្បែកអ្នក ឱ្យស្អាតបាន។
5. បើអ្នកទល់លាមក វាក៏អាចជួយអ្នកដែរ។
6. វាអាចការពារអ្នក ឱ្យចៀសផុតពីជំងឺមហារីក ឬទឹកនោមផ្អែមជាដើម។
7. អត្ថប្រយោជន៍ចុងក្រោយ គឺវាអាចជួយអ្នកឱ្យស្វាងស្រាបាន៕
ត្រួតពិនិត្យដោយ www.health.com.kh ថ្ងៃទី28 មេសា ឆ្នាំ 2015
របៀបញ៉ាំទឹក ដើម្បីឱ្យបាត់ត្អើក
ខណៈពេលដែលគ្រូពេទ្យ ប្រហែលជាអាចព្យាបាល អាការៈត្អើកបាននោះ ប៉ុន្តែ យើងនៅតែមានវិធី ដែលអាចឱ្យអាការៈនេះ បាត់ទៅវិញបានដែរ ទោះបីយើងមិនមែនជាពេទ្យក៏ដោយ។ អ្វីដែលគួរឱ្យចាប់អារម្មណ៍នោះគឺថា មានវិធីព្យាបាលដោយខ្លួនឯងច្រើនណាស់ ដែលត្រឹមត្រូវ ហើយមានប្រសិទ្ធភាពទៀត។ ខាងក្រោមនេះ យើងខ្ញុំនឹងលើកយកវិធី នៃការញ៉ាំទឹក ដែលវាជាវិធីមួយ ក្នុងចំណោមវិធីជាច្រើន សម្រាប់ព្យាបាលការត្អើក។
- ផឹកទឹកដោយប្រើទុយោរ
- ប្រើទុយោរពីរបំពង់វិញ
- ផឹកទឹកដោយមិនប្រើដៃ
- ផឹកទឹកដោយការគេង
ត្រួតពិនិត្យដោយ www.health.com.kh ថ្ងៃទី30 មេសា ឆ្នាំ 2015
ការកកជាតិកំបោរនៅក្នុងសុដន់
ការកកជាតិកំបោរនៅក្នុងសុដន់គឺជាការកកជាតិកាល់ស្យូមនៅក្នុងជាលិកាសុដន់ដែលវាបានលេចឡើងជាចំណុចពណ៌សៗឬ ស្នាមចុចៗចំពោះការថតសុដន់ហើយជាធម្មតាវាជាមានទំហំតូចៗដែលអ្នកមិនអាចមានអារម្មណ៍ដឹងបាន។
ការកកជាតិកំបោរនៅក្នុងសុដន់ជាទូទៅកើតមាននៅពេលមានការថតសុដន់ជាពិសេសបន្ទាប់ពីការអស់រដូវ។ ទោះបីវាជាដុំស្លូតដែលជាការការកកជាតិកំបោរនៅក្នុងសុដន់ដែលអាចធ្វើឲរូបរាងសុដន់ប្រែប្រួល។
ចំពោះការថតសុដន់ដែលមានការកកជាតិកំបោរនោះអាចបង្ហាញថាជា macrocalcifications ឬ microcalcifications ។
- Macrocalcifications គឹមានចំណុចពណ៌សៗធំៗដែលភាគច្រើនជាដុំស្លូតហើយតម្រូវឲមានការធ្វើតេស្ត ឬការតាមដានបន្ថែមទៀត។
- Microcalcificationsគឹមានចំនុចពណ៌សតូចៗដែលស្រដៀងគ្នាទៅនឹងគ្រាប់អំបិលដែលភាគច្រើនជាដុំស្លូត តែលំនាំមួយចំនួនអាចជាសញ្ញានៃជំងឺមហារីក។
ការកកជាតិកំបោរនៅក្នុងសុដន់មួយចំនួនអាចជាជំងឺមហារីកសុដន់ដូចជា Ductal Carcinoma in Situ (DCIS), ហើយភាគច្រើនជាដុំស្លូត ។
មូលហេតុនៃការកកជាតិកំបោរនៅក្នុងសុដន់រួមមាន:
- ការរងរបួសពីមុនឬការវះកាត់សុដន់
- ការកកជាតិកំបោរនៅស្បែក ឬសរសៃឈាម
- គីសសុដន់
- Fibroadenoma
- Cell secretions or debris
- Mammary duct ectasia
- ការរលាកសុដន់
- ការព្យាបាលដោយវិទ្យុសកម្មចំពោះជំងឺមហារីកពីមុន៕
ត្រួតពិនិត្យដោយ www.health.com.kh ថ្ងៃទី18 កុម្ភៈ ឆ្នាំ 2015
Subscribe to:
Posts (Atom)
